قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №7-1/86

2015 جىلعى 9 اقپان, استانا قالاسى شەكتەۋ ءىس-شارالارىن جانە كارانتيندى بەلگىلەۋ نەمەسە الىپ  تاستاۋ قاعيدالارىن بەكىتۋ تۋرالى «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنىڭ 8-بابىنىڭ 46-22) تارماقشاسىنا سايكەس بۇيىرامىن: 1. قوسا بەرىلىپ وتىرعان شەكتەۋ ءىس-شارالارىن جانە كارانتيندى بەلگىلەۋ نەمەسە الىپ تاستاۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريا جانە تاماق قاۋىپسىزدىگى دەپارتامەنتى زاڭنامادا بەلگىلەنگەن تارتىپتە: 1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جەنە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاسۋىن قامتاماسىز ەتسىن. 3. وسى بۇيرىقتىڭ ورىندالۋىنا باقىلاۋ قازاقستان رەسپۋبليكاسىنىڭ اۋىل شارۋاشىلىعى مينيسترلىگىنىڭ جەتەكشى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مامىتبەكوۆ. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 9 اقپانداعى № 7-1/86 بۇيرىعىمەن بەكىتىلگەن شەكتەۋ ءىس-شارالارىن جانە كارانتيندى بەلگىلەۋ نەمەسە الىپ تاستاۋ قاعيدالارى 1. جالپى ەرەجەلەر 1. وسى شەكتەۋ ءىس-شارالارىن جانە كارانتيندى بەلگىلەۋ نەمەسە الىپ تاستاۋ قاعيدالارى (بۇدان ءارى - قاعيدالار) «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە شەكتەۋ ءىس-شارالارىن جانە كارانتيندى بەلگىلەۋ نەمەسە الىپ تاستاۋ ءتارتىبىن انىقتايدى. 2. شەكتەۋ ءىس-شارالارى جانە كارانتين قازاقستان رەسپۋبليكاسى اۋىل شارۋاشىلىعى ءمينيسترىنىڭ 2012 جىلعى 28 ناۋرىزداعى №18-03/128 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №7583 بولىپ تىركەلگەن) جانۋارلاردىڭ شەكتەۋ ءىس-شارالارى نەمەسە كارانتين بەلگىلەنەتىن جۇقپالى اۋرۋلارىنىڭ تىزبەلەرىنە ەنگىزىلگەن جانۋارلاردىڭ جۇقپالى اۋرۋلارى بويىنشا بەلگىلەنەدى. 2. شەكتەۋ ءىس-شارالارىن جانە كارانتيندى بەلگىلەۋ ءتارتىبى 3. اكىمشىلىك-اۋماقتىق بولىنىسىنە جانە جانۋارلاردىڭ جۇقپالى اۋرۋلارىنىڭ تارالۋ دارەجەسىنە بايلانىستى ەپيزووتيالىق وشاق بەلگىلەنگەن اۋماقتا جانۋارلاردىڭ جۇقپالى اۋرۋلارى پايدا بولعان جاعدايدا شەكتەۋ ءىس-شارالارى نەمەسە كارانتين بەلگىلەنەدى. 4. شەكتەۋ ءىس-شارالارىن جانە كارانتيندى ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنىسى بويىنشا: 1) وبلىستىڭ اۋماعىندا ورنالاسقان ەكى جانە ودان كوپ اۋداندا جانۋارلاردىڭ جۇقپالى اۋرۋلارى پايدا بولعان جاعدايدا وبلىستىڭ جەرگىلىكتى اتقارۋشى ورگانىنىڭ; 2) رەسپۋبليكالىق ماڭىزى بار قالانىڭ, استانانىڭ اۋماعىندا جانۋارلاردىڭ جۇقپالى اۋرۋلارى پايدا بولعان جاعدايدا رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ; 3) اۋداننىڭ (وبلىستىق ماڭىزى بار قالانىڭ) اۋماعىندا جانۋارلاردىڭ جۇقپالى اۋرۋلارى پايدا بولعان جاعدايدا اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ; 4) ءتيىستى اۋماقتا جانۋارلاردىڭ جۇقپالى اۋرۋلارى پايدا بولعان جاعدايدا اۋداندىق ماڭىزى بار قالا, ەلدى مەكەن, اۋىل, اۋىلدىق وكرۋگ اكىمىنىڭ شەشىمىمەن بەلگىلەنەدى. 5. ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ شەكتەۋ ءىس-شارالارىن جانە كارانتيندى بەلگىلەۋ تۋرالى ۇسىنىسى: شەكتەۋ ءىس-شارالارىن نەمەسە كارانتيندى بەلگىلەۋ ەنگىزىلەتىن اكىمشىلىك-اۋماقتىق بىرلىكتى; شەكتەۋ ءىس-شارالارىن نەمەسە كارانتيندى بەلگىلەۋ سەبەپتەرىن (اۋرۋدىڭ اتاۋىن), جانۋاردىڭ ءتۇرىن كورسەتە وتىرىپ, ەرىكتى نىساندا جازباشا تۇردە رەسىمدەلەدى. ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ شەكتەۋ ءىس-شارالارىن نەمەسە كارانتيندى بەلگىلەۋ تۋرالى ۇسىنىسىنا ينفەكتسيا وشاعىن قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 27 قاراشاداعى №7-1/618 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №10021 بولىپ تىركەلگەن) نىسان بويىنشا ەپيزووتولوگيالىق زەرتتەۋ اكتىسى جانە ۆەتەريناريالىق لابوراتوريا بەرەتىن ساراپتاما اكتىسى (سىناق حاتتاماسى) قوسا بەرىلەدى. جەرگىلىكتى اتقارۋشى ورگاننىڭ شەكتەۋ ءىس-شارالارىن جانە كارانتيندى بەلگىلەۋ تۋرالى شەشىمىنىڭ كۇشىنە ەنگەنىنەن كەيىن, ءبىر جۇمىس كۇنى ىشىندە ونىڭ كوشىرمەسى ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنا جولدانادى. 6. شەكتەۋ ءىس-شارالارىنىڭ نەمەسە كارانتيننىڭ ۇزاقتىعى جانۋارلار اۋرۋلارىنىڭ تۇرىنە, اۋرۋدىڭ ينكۋباتسيالىق كەزەڭىنە, جانۋارلاردىڭ ورگانيزمىندە اۋرۋ قوزدىرۋشىلاردىڭ ساقتالۋىنا جانە ۆەتەريناريالىق ءىس-شارالار كەشەنىن جۇرگىزۋگە بايلانىستى. 3. شەكتەۋ ءىس-شارالارىن جانە كارانتيندى الىپ تاستاۋ ءتارتىبى 7. شەكتەۋ ءىس-شارالارى جانە كارانتين جانۋارلار تولىعىمەن ساۋىققاننان (اۋرۋدىڭ بولماۋى), اۋرۋلاردىڭ تارالۋى توقتاعاننان جانە دەزينفەكتسيا ساپاسىنا باكتەريولوگيالىق زەرتتەۋمەن قورىتىندى دەزينفەكتسيانى جۇرگىزۋدى قوسا العاندا, جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنىن جۇرگىزگەننەن كەيىن الىنىپ تاستالادى. 8. شەكتەۋ ءىس-شارالارى نەمەسە كارانتين ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنىسى بويىنشا: 1) وسى وبلىستىڭ اۋماعىندا ورنالاسقان ەكى جانە ودان كوپ اۋداندا پايدا بولعان جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنىن جۇرگىزگەننەن كەيىن وبلىستىڭ جەرگىلىكتى اتقارۋشى ورگانىنىڭ; 2) رەسپۋبليكالىق ماڭىزى بار قالانىڭ, استانانىڭ اۋماعىندا پايدا بولعان جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنىن جۇرگىزگەننەن كەيىن رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ; 3) اۋداننىڭ (وبلىستىق ماڭىزى بار قالانىڭ) اۋماعىندا جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنىن جۇرگىزگەننەن كەيىن اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ; 4) ءتيىستى اۋماقتا جانۋارلاردىڭ جۇقپالى اۋرۋلارىنىڭ وشاقتارىن جويۋ جونىندەگى ۆەتەريناريالىق ءىس-شارالار كەشەنىن جۇرگىزگەننەن كەيىن اۋداندىق ماڭىزى بار قالا, ەلدى مەكەن, اۋىل, اۋىلدىق وكرۋگ اكىمىنىڭ شەشىمىمەن الىنىپ تاستالادى. 9. ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ شەكتەۋ ءىس-شارالارىن جانە كارانتيندى الىپ تاستاۋ تۋرالى ۇسىنىسى: ۇسىنىس ەنگىزىلەتىن شەكتەۋ ءىس-شارالارىن جانە كارانتيندى بەلگىلەۋ تۋرالى شەشىمنىڭ كۇنىن جانە ءنومىرىن; دەزينفەكتسيانىڭ ساپاسىنا باكتەريولوگيالىق زەرتتەۋدى كورسەتە وتىرىپ ساراپتاما اكتىسىنىڭ (سىناق حاتتاماسىنىڭ) كۇنىن جانە ءنومىرىن كورسەتە وتىرىپ ەركىن نىساندا جازباشا تۇردە رەسىمدەلەدى. ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ شەكتەۋ ءىس-شارالارىن جانە كارانتيندى الىپ تاستاۋ تۋرالى ۇسىنىسىنا دەزينفەكتسيانىڭ ساپاسىنا باكتەريولوگيالىق زەرتتەۋدى كورسەتە وتىرىپ, ساراپتاما اكتىسى (سىناق حاتتاماسى) قوسا بەرىلەدى. شەكتەۋ ءىس-شارالارىن جانە كارانتيندى الىپ تاستاۋ تۋرالى شەشىمنىڭ كوشىرمەسى ونى قابىلداعاننان كەيىن ءبىر جۇمىس كۇنى ىشىندە ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنا جولدانادى. 10. ءتيىستى اۋماقتىڭ باس مەملەكەتتىك ۆەتەريناريالىق-سانيتاريالىق ينسپەكتورىنىڭ ۇسىنىسى بويىنشا ءتيىستى اكىمشىلىك اۋماقتىق بىرلىكتىڭ جەرگىلىكتى اتقارۋشى ورگانىنىڭ شەشىمىمەن كارانتيندى الىپ تاستاعاننان كەيىن, قازاقستان رەسپۋبليكاسىنىڭ ۆەتەريناريا سالاسىنداعى زاڭدارىندا كوزدەلگەن جاعدايلاردا, ۋاكىلەتتى ورگان شەكتەۋ ءىس-شارالارىن بەلگىلەيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 12 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10414 بولىپ ەنگىزىلدى.